قصيدة جميله يارب تعجبكم

سكت الكلام وعيونا بكت بالدم
ليه جرح جديد انفتح والقديم ما تلم
يا بلدى اديكى كاسى تمليه سم
ليه تسقينى مرار وحزن عذاب وهم
غربتينى ليه ورخصتى دمى يا غاليه
قصاد رصاص عدوك كان مفتوح صدرى
وانتى فتحتى حضنك ادفن فيه فرح عمرى
اطاطى علشان اشيل حملك تطعنى ظهرى
عملت ايه وليه بقه تقيل على قلبك حقى
كنت شاكر وراضى بالقليل والشحيح منك
كنت بقول دى امى اقسى كمان عليا ولا يهمك
رضيت بذلى واقول بكره ترحيمنى انا ابنك
كنت بخاف عليكى كنت بخاف على زعلك
ويوم عيدى بدل الفرح ابكى واصرخ بمرار
ابنى خرج من الكنيسه فرحان انضرب بالنار
واللى قتله ترحميه وتقوليلى ابنك كافر وغار
وعايزانى ارحل واسيبك وابيع للغز الدار
ليه بقيتى اسيه اوى وطباعك ليه بقت رديه
ليه على القبطى الغلبان جايره جباره مفتريه
ليه قتلتى غدر اهل واخواتى فى اسكندريه
كلمينى بالعقل ولا اتعودتى ترفعى الكرباج عليا
ليه حرمتى الطفل امه وابوه واخوه ليه الاسيه
محستيش بصرخه الام وهيه بتصرخ بالم بنتى
كنت عايشه علشانك ليه سبتينى وسط الضحايا
حسيتى قلب اب بيصرخ وسط النار يا ضنايا
ويدور على جثه ابنه وحيده وسط الضحايا
شفتى الابن اللى بيصرخ وابوه جثه قصاده
هقلك ايه غير الله محبه ينجى منك ولاده
ولا اقلك بلغتك لينا رب كريم رحيم بعباده
سمعتى صرخات الاطفال وشفتى جثثهم
شفتى لما ترابك اتغطى بدمهم واشلائهم
شفتى حقيقتك عندك رد ولا اتخرستى لما
اه انتى امى ولااعرفك انا امى مصر القبطية
امى اللى كانت فخر وعزه مش همج وبلطجيه

هقولك كلمتين ربنا موجود ووجوده ماله حدود

الكاتب جرجس خيرى قريبى

جميله جدا جدا يا اختى مهرائيل الكلام ده كتيير عن مصر و اليى بيحصل فيها لكن الشكوى ليك انت وحدك يارب

رااااااائع يا اخت مهرائيل وهي فعلا كلمات معبره تن ما يحدث كل يوم حولنا الرب يبارك حياتك وخدمتك ويكون معاكي

شكرا لك يااخى
الرب يبارك حياتك

شكرا اختى مرمر
الرب يبارك حياتك

يااااااااااااااااااااااااا للقصيدة

التى تهز الجبال من تاثرها

فعلا ربنا موجوووووووووووووووود

++++++++++

ربنا يرعاكم ويحفظكم

» قصه جميله جداااااااااااااااااااا
» صورة جميله جدااااااااااا
» صورة جميله جدااااااااااا
» صلاة جميله ياريت كلنا نسمعها
» صلاة جميله ياريت كلنا نسمعها